2025 жылдың 10 маусым күні «Айгөлек» мектеп жанындағы жазғы сауықтыру лагерінде «Әлем балалар көзімен» атты асфальтқа сурет салу байқауы ұйымдастырылды.

2025 жылдың 10 маусым күні «Айгөлек» мектеп жанындағы жазғы сауықтыру лагерінде «Әлем балалар көзімен» атты асфальтқа сурет салу байқауы ұйымдастырылды. Бұл шығармашылық байқаудың мақсаты – балалардың қиялын дамыту, сурет өнеріне деген қызығушылығын арттыру және қоршаған ортаны көркем қабылдау қабілетін жетілдіру болды.
Іс-шараға лагерьдің барлық тәрбиеленушілері белсене қатысты. Балалар топтарға бөлініп, түрлі-түсті борлармен асфальт бетіне өздерінің армандары мен қоршаған әлемге деген көзқарастарын бейнеледі. Олар табиғат, бейбітшілік, достық, отбасы, Отан және болашақ жайлы тақырыптарды қозғап, көркемдік қиялдарын еркін көрсете білді.
Байқау барысында балалардың ынтымақтастықта жұмыс істеуі, өзара сыйластық пен қолдау көрсетуі байқалды. Әр топтың жұмысы көркемдігі, мазмұндылығы және тазалығы жағынан бағаланды. Қазылар алқасы үздік суреттерді анықтап, жеңімпаздар мен белсенді қатысушылар мадақтамалармен марапатталды.

Топ жетекшілері: А.Жоран, А.Шәкен, Ж.Айтқазиева
Мектеп тәлімгері: М.Құтымбетова