13 мамыр күні №22 жалпы орта білім беретін мектебінің 4а-сыныбында «Аналар»күні іс шаралар жоспарына сәйкес «Ана – қоғамның тірегі» тақырыбында тәрбие сағаты өткізілді.

13 мамыр күні №22 жалпы орта білім беретін мектебінің 4а-сыныбында «Аналар»күні іс шаралар жоспарына сәйкес «Ана – қоғамның тірегі» тақырыбында тәрбие сағаты өткізілді.
Тәрбие сағатының мақсаты – оқушылардың анаға деген сүйіспеншілігін, құрмет сезімін оятып, ананың қоғамдағы рөлі мен орны жайлы түсініктерін кеңейту, анаға деген қамқорлық пен сыйластық сезімдерін тәрбиелеу, өнерге және әдебиетке қызығушылығын арттыру.
Тәрбие сағатына оқушылар белсене қатысып, аналарға арналған өлеңдер оқып, әндер шырқап, сахналық көріністер көрсетті. Іс-шара жоғары деңгейде өтті. Оқушылардың өнерлері, сахна мәдениеті мен шығармашылық қабілеттері айқын байқалды. Іс-шара барысында «Құттықтаймын, ана туған күніңмен», «Ана туралы жыр», «Ақ мамам» сияқты жүрек тебірентерлік әндер шырқалды. Сонымен қатар оқушылар өз аналарына арналған тілектерін жеткізді.
Аталған іс-шара оқушылардың рухани-адамгершілік тәрбиесіне оң ықпал етіп, анаға деген құрметті, ұлттық құндылықтарды дәріптеуге бағытталды.