18.11.2025 ж. Қазақстан тарихы пәнінен 5-сыныппен ашық сабақ өткізілді.
Сабақтың тақырыбы: Ежелгі көшпелілердің материалдық мәдениеті
Сабақтың мақсаты:
Школьникам ежелгі көшпелілердің материалдық мәдениеті туралы жан-жақты түсінік беру; киіз үйдің құрылысы, киім-кешек, тұрмыстық заттар, қару-жарақ және қолөнер туындыларының ерекшеліктерін таныту; тарихи мұраның құндылығын ұғындыру, ұлттық мәдениетке деген қызығушылықтарын арттыру.
Қолданылған әдіс-тәсілдер:
1. «Ой қозғау» әдісі
Сабақ басында оқушылардың бұрынғы білімін анықтау мақсатында бағыттаушы сұрақтар қойылып, жаңа тақырыпқа қызығушылық тудырылды.
2. «Топтық жұмыс»
Киіз үйдің құрылысы тақырыбында оқушылар шағын топтарға бөлініп, киіз үйдің негізгі бөліктері – шаңырақ, уық, кереге туралы ақпарат жинақтап, сипаттап, постер арқылы қорғады. Кейбір топтар киіз үйдің шағын моделін құрастыру тапсырмасын орындап шықты.

Сабақтың нәтижесі:
Оқушылар ежелгі көшпелілердің тұрмысына тән негізгі материалдық мәдениетті анықтап, киіз үйдің құрылымын танып, тұрмыстық заттар мен қару-жарақтың тарихи маңызын түсінді. Топтық жұмыс арқылы бір-бірімен ынтымақтаса отырып, шығармашылық қабілеттерін көрсетті.