2-4 сыныптармен «Дұрыс тамақтануды насихаттау және тамақтану мәдениетін қалыптастыру» тақырыбында он күндік іс-шаралар жоспары аясында «Денсаулық және дұрыс тамақтану мәдениеті» тақырыбында тәрбие сағаты ойын түрінде өткізілді.

№ 22 жалпы орта білім беретін мектебінде 17-қыркүйек күні 2-4 сыныптармен «Дұрыс тамақтануды насихаттау және тамақтану мәдениетін қалыптастыру» тақырыбында он күндік іс-шаралар жоспары аясында «Денсаулық және дұрыс тамақтану мәдениеті» тақырыбында тәрбие сағаты ойын түрінде өткізілді. Тәрбие сағатының мақсаты: Оқушыларды дұрыс тамақтану, ас – адамның арқауы туралы таныстырып, денсаулық құндылығы, қағидалары туралы түсініктерін кеңейту. Адамның ағзасына қажетті тағамдық заттардың ерекшеліктерін, денсаулықтың адам өміріндегі маңызын түсіндіру. Денсаулықты күтуге, дұрыс тамақтана білуге, салауатты өмір салтын ұстануға тәрбиелеу.Сабақ барысында оқушылар ас –адам ағзасы үшін аса маңызды қажеттілік екендігін білді. Тамақтану мәдениетін, ас ішу тәртіп ережелерін білді. Сабақ барысында оқушылар тамақтану, ас ішу тәртібі, дәрумендерге байланысты тақпақтар оқыды. Зиянды тамақтар туралы да айтылды. Оқушыларға зиянды тамақтарды жеу адам ағзасына зиян келтіретіндіктен , оларды пайдаланбау керек екендігін атап айтты. Тәрбие сағатын қорытындылау барысында мұғалім оқушыларға дұрыс тамақтансаңдар, денсаулықтарыңның мықты болатынын, көңіл – күйлеріңнің көтеріңкі болып, сабаққа деген ынталарының артатынын айтты. Дұрыс тамақтану денсаулықтарының кепілі екенін естен шығармау керектігін түсінді.