«Буккросинг-бірге кітаптың айналыста жүруі-«Bookcrossing –Книговорот» атты акция

№22 жалпы орта білім беретін мектеп кітапханасында «Рухани жанғыру» бағдарламасын жүзеге асыру мақсатында «Сыйлыққа кітап» атты кітапханаға ерікті түрде өткізу және «Шаңырақ» жобасының аясында «Буккросинг-бірге кітаптың айналыста жүруі-«Bookcrossing –Книговорот» атты акция білім беру ұйымдарында 2021 жылдың қараша айында өткізілді. 
  Қазақстан Республикасының Президенті Қасым-Жомарт Кемелұлы Тоқаев кітап оқумен кітапханаларды қолдау қоғам дамуының басты міндеттерінің бірі  екенін айрықша атап айтқаны баршамызға белгілі. Бұл рухани акцияға үн қосу шеңберінде біздің де білім ордасындағы  кітапханада «Кітапханаға кітап сыйла» іс-шарасы ұйымдастырылды. Екпінді ауылының тұрғыны «Талапкер» шаруа қожалық иегері Абдразақ Ерік Қуатұлы кітапханаға кітап сыйлады. Буккросинг бойынша, кез-келген адам өзі оқып бітірген бір кітабын кітапханаға қойып кете алады, кейін бұл кітапты басқа оқырман оқиды, «Буккроссингтің» басты мақсаты ол- үйімізде шаң тозаң болып жатқан немесе оқылған кітаптарға  екінші өмір сыйлау. Оқырмандар арасында «Кітап алмастыру» акциясын жүргізу әртүрлі жастағы оқырмандарды  кітап оқуға шақырып, кітапханаға оқырмандарды тарту. 
  Мектебіміздің 8 сынып білім алушылары осы іс-шараға қатысып, өзара кітап алмасып, белсенділік танытты. Іс-шара соңында директордың тәрбие ісі жөндегі орынбасары Батырбекова Перуза Елубайқызы сөз сөйледі.