2024 жылғы 20-25 қараша аралығында жалпы білім беретін мектептер арасында жаратылыстану-математикалық бағыт бойынша «Ақбота» зияткерлік олимпиадасын өткізеді .

ҚР Оқу-ағарту министрлігінің «Дарын» республикалық ғылыми-практикалық орталығы» РМҚК 2024 жылғы 20-25 қараша аралығында жалпы білім беретін мектептер арасында жаратылыстану-математикалық бағыт бойынша «Ақбота» зияткерлік олимпиадасын өткізеді (бұдан әрі –Олимпиада).

Олимпиада мектеп оқушыларының математикалық сауаттылығын арттыруға және ғылым негіздері бойынша олардың білімдерін тереңдету мақсатында өткізіледі.

Конкурстың Ережесі www.daryn.kz сайтында орналастырылған.

Олимпиадаға Қазақстан Республикасы білім беру ұйымдарының 1-10 сынып оқушылары қатыса алады.

Олимпиадаға қатысу ерікті түрде жүзеге асады.

Олимпиадаға қатысуға ниет білдірген оқушылар 2024 жылғы 4-18 қараша аралығында (сағат 09:00-ден 20:00-ге дейін) www.games.daryn.kz сілтемесі бойынша жеке кабинетке кіріп, аккаунттың тіркелгенін және деректердің дұрыстығын (қатысушының аты-жөні, сыныбы, мектебі) тексеруі қажет. Егер аккаунт болмаса, сол мерзімде (4-18 қараша, сағат 09:00-ден 20:00-ге дейін) www.games.daryn.kz сайтына тіркелу керек. Тіркелген соң, жеке кабинетке кіріп, көрсетілген уақыт аралығында «Қатысуды растау» батырмасын басу қажет.

Олимпиада ағымдағы жылдың 20 қарашасында сағат 09:00-де басталып, 25 қарашасында 20:00-де аяқталады. Қатысушылар олимпиада тапсырмаларын өздеріне ыңғайлы болатын кез келген уақытта, жоғарыда көрсетілген мерзім аралығында орындай алады.

Қатысушыларға жеке компьютер немесе ноутбук, сондай-ақ Google Chrome браузерін ғана пайдалану қажет. Конкурс аяқталғаннан кейін қатысушылар жинаған ұпайлары мен алған орындарын 2024 жылдың 2 желтоқсанында https://games.daryn.kz/ сайтындағы жеке кабинеттерінде көре алады. Қатысушыны дайындаған мұғалімдердің деректерін (ЖСН, толық аты-жөні) пән бойынша Олимпиаданың қорытындысы шыққаннан кейін марапатты жүктеу кезінде енгізу мүмкіндігі беріледі.